ஜம்மு காஷ்மீர் மாநிலத்தில் ஏற்பட்ட பனிச்சரிவுகளில் ராணுவ வீரர்கள் உள்பட 8 பேர் உயிரிழந்தனர்.
இந்திய எல்லைக் கட்டுப்பாட்டில் உள்ள பகுதியான மசில் செக்டார் அருகே இருக்கும் ராணுவ நிலையில் பனிச்சரிவு ஏற்பட்டது. அதில் பணியின் ஈடுபட்டு வந்த 3 வீரர்கள் உயிரிழந்தனர்.
இது தவிர மேலும், ஒரு வீரரைத் தேடும் பணி நடந்துவருவதாக பாதுகாப்புப் படை தெரிவித்துள்ளது. இந்த பனிச்சரிவில் 5 ராணுவ வீரர்கள் சிக்கிக் கொண்டனர். இவர்களில் 3 வீரர்களின் உடல்கள் மீட்கப்பட்டுள்ளது.
மிட்ட்கப்பட்டவர்களில் ஒருவர் மோசமான நிலையில் மருத்துவமனையில் அனுமதிக்கப்பட்டுள்ளார். காணாமல்போன மற்றொரு வீரரைத் தேடும் பணி தொடர்ந்து நடைபெற்று வருகிறது.
இதே போல், கந்தெர்பால் மாவட்டத்திலும் பனி சரிவு ஏற்பட்டது. இதில் பொதுமக்கள் 5 பேர் சிக்கி இறந்துள்ளனர். மேலும், 4 பேர் காயங்களுடன் மீட்கப்பட்டுள்ளதாக தகவல் வெளியாகியுள்ளது.
