கடைசியாக ‘மாடர்ன் லவ் ஹைதராபாத்’ படத்தில் நடித்த நடிகை நித்யா மேனன், மாலிவுட்டில் முன்னணி நடிகருடன் திருமணம் செய்து கொள்ள போவது வெளியான செய்திகள் அனைத்துமே வதந்திகள் என கூறி நடிகை நித்யா மேனன் முற்றுப்புள்ளிவைத்துள்ளார். இந்த சர்ச்சைகள் குறித்து தனியார் ஊடகமொன்றிற்கு பதிலளித்துள்ள நித்யா மேனன்,”என்னை பற்றி சமூக ஊடகங்களில் பரப்பப்படும் வதந்திகளில் எந்த உண்மையும் இல்லை என்றும், இதுபோன்ற செய்திகளைப் புகாரளிக்கும் போது ஊடகங்கள் எச்சரிக்கையாகவும் இருப்பது அவசியம்” என கூறியுள்ளார்.
கடந்த இரண்டு நாட்களாக நித்யா மேனனின் திருமணம் குறித்த செய்திகள் தேசிய மேடைகளிலும் மிகவும் பரபரப்பாக பேசப்பட்டு வருகிறது. “சமூக ஊடகங்களில் பரவி வரும் வதந்திகளில் எந்த உண்மையும் இல்லை. இதுபோன்ற செய்திகளை வெளியிடுவதற்கு முன்பு ஊடகங்கள் உண்மையைச் சரிபார்க்க முயற்சி எடுக்க வேண்டும் என்று நான் விரும்புகிறேன்,” என்று நித்யா மேனன் கூறினார்.
மேலும் அவர் “தற்போது தான் தனது வேலையில் மும்முரமாக கவனம் செலுத்தி வருவதாகவும் நடிகை கூறியுள்ளார். நடிகர் விஜய் சேதுபதி மற்றும் இந்திரஜித் சுகுமாரன் ஆகியோர் நடிப்பில் விரைவில் வெளிவரவிருக்கும் 19 (1)(A) திரைப்படத்தில் நடிக்கவுள்ளார். படத்தின் முதல் டீசரை டிஸ்னி + ஹாட்ஸ்டார் செவ்வாயன்று வெளியிட்டது. இந்த திரைப்படத்தை அறிமுக இயக்குனர் இந்து வி இயக்குகிறார்.
பிரெஞ்ச்-இந்தியப் படமான ‘தி மங்கி ஹூ டூ மச்’ மூலம் குழந்தை நட்சத்திரமாக அறிமுகமான நித்யா, மோகன்லால் நடிப்பில் வெளியான இயக்குநர் கே பி குமரனின் ‘ஆகாச கோபுரம்’ படத்தின் மூலம் மாலிவுட்டில் நுழைந்தார். சுருள் முடி கொண்ட அழகி தெலுங்கு, கன்னடம், தமிழ் மற்றும் இந்தி மொழிகளில் நடித்துள்ளார் . பல ஆண்டுகளாக அவரது நடிப்பிற்காக விமர்சன ரீதியான பாராட்டுகளையும், நிறைய விருதுகளையும் பெற்றுள்ளார்.
