நகைச்சுவை நடிகர் விவேக் இதுவரை 100க்கும் மேற்பட்ட படங்களில் நகைசுவை நடிகனாக நடித்துள்ளார். இவர் நடிப்பது மட்டுமின்றி மரக்கன்றுகள் நடுவது போன்ற பல சமூகசேவையிலும் ஈடுபட்டு வருகிறார்.அது மட்டுமின்றி தனது நகைச்சுவை வெளிப்பாடு மூலம் சமூகத்திற்குத் முக்கிய தேவையான கருத்துகள் சொல்வதால் இவருக்கு என்றே ஒரு ரசிகர் பட்டாளம் உள்ளது என்பதில் மிகை இல்லை. இவர் நேற்று அப்துல் காலம் பிறந்தநாளை ஒட்டி #plantforkalam என்ற ஹேஷ் டாக் உருவாக்கி ட்ரெண்ட் செய்யும் படி கோரிக்கை விடுத்திருந்தார்.
விவேக்கின் கோரிக்கையை ஏற்ற நெட்டிசன்கள் மற்றும் மீம் க்ரீயேட்டர்கள் சில மணி நேரத்தில் #plantforkalam என்ற ஹேஷ் டேக்கை உலகளவில் ட்ரெண்ட் செய்து விட்டனர். இந்த நிலையில் இன்று மறைந்த குடியரசுத் தலைவர் அப்துல்கலாமின் 88வது பிறந்த நாள் கொண்டாடப்பட்டுவருகிறது.
இதையொட்டி விவேக் சென்னையில் எம்ஜிஆர் நகரில் உள்ள அரசினர் மேல் நிலைப்பள்ளியில் மரம் நடும் விழாவில் கலந்து கொண்டு மரக்கன்றுகள் நட்டு மாணவர்களுடன் கலந்துரையாடினார். அப்போது எடுக்கப்பட்ட புகைப்படங்கள் வெளியாகி வைரலாகி வருகிறது.
மேலும் பலரும் மரக்கன்றுகள் நட்டு வைத்து அதை விடியோ மற்றும் புகைப்படமாக எடுத்து ட்விட்டர் பக்கத்தில் ஷேர் செய்து வருகின்றனர். விவேக்கின் இந்த சமூக நல செயலை பொது மக்கள் பாராட்டி வருகின்றனர்.விவேக் நடிப்பில் இந்த ஆண்டு விஸ்வாசம் மற்றும் வெள்ளை பூக்கள் படம் வெளியானது. தற்போது கமல்ஹாசனுடன் இணைந்து இந்தியன் 2 படத்தில் நடித்து வருகிறார் என்பது குறிப்பிடத்தக்கது.
