தேசிய தகுதி-நுழைவு தேர்வுகளில் (நீட்) வரும் 2020ம் ஆண்டில் நடைபெற உள்ள தேர்வில் ஆதார் அடையாள அட்டையை பயன்படுத்தவுள்ளதாக தேசிய சோதனை நிறுவனம் கூறியுள்ளது.
2019 ஆம் ஆண்டில் நடைபெற்ற தேசிய தகுதி-நுழைவு தேர்வில் ஆள்மாறாட்டம் மற்றும் மோசடி புகார்களால் பாதிக்கப்பட்ட தேசிய சோதனை நிறுவனம், 2020 தேர்வுக்கு ஆதார் தரவுகளைப் பயன்படுத்த மையத்திடம் அனுமதி கோரியுள்ளதாக அதன் இயக்குநர் ஜெனரல் வினீத் ஜோஷி தெரிவித்தார். மையம் ஒப்புக் கொண்டால், வெவ்வேறு கட்டங்களில் எடுக்கப்பட்ட மாணவர்களின் கைரேகைகள் மற்றும் கருவிழி ஸ்கேன் – விண்ணப்பம், தேர்வு, ஆலோசனை மற்றும் சேர்க்கை ஆகியவை தேசிய பதிவேட்டில் சேமிக்கப்பட்ட விவரங்களுடன் சரிபார்க்கப்படும். மேலும் அவர்
“மாணவர்கள் தங்கள் ஆதார் எண்ணை சமர்ப்பிக்குமாறு கேட்கப்படுவார்கள் மற்றும் அவர்களின் அடையாள அட்டையில் உள்ள தரவுகளுடன் சரிபார்ப்புக்கு கைரேகைகள் மற்றும் கருவிழி ஸ்கேன் போன்ற பயோமெட்ரிக் தரவு பயன்படுத்தப்படும். தற்போது, நாங்கள் மாணவர்களின் கைரேகைகளை இரண்டு முறை தேர்வறையில் சேகரிக்கிறோம், தேர்வு தொடங்குவதற்கு ஒரு முறை மற்றும் முடிவில் மற்றொரு முறை. ஆனால் இவை டிஜிட்டல் பதிவுகள் அல்ல. அவை காகிதத்தில் எடுக்கப்படுகின்றன.”
என்று கூறினார். கடந்த முறை தேர்வில் நான்கு மாணவர்கள் மருத்துவ கல்லூரிகளில் நுழைய பல்வேறு முறைகளில் ஏமாற்றினர். அவர்களை தமிழக போலீஸ் கைது செய்தது. ஆதலால் இம்முறை அவ்வாறு நிகழ்வதை தவிர்க்க இத்திட்டத்தை பயன்படுத்தவுள்ளது. மேலும் அவர்
“நாங்கள் தரவை மாநிலத்துடன் பகிர்ந்துகொள்வோம், மேலும் நியாயமான விசாரணையை மேற்கொள்ள அவர்களுக்கு உதவுவோம். அவர்கள் எதை தேர்வறைக்குள் கொண்டு வர வேண்டும் என்பதில் நாங்கள் கவனமாக இருந்தோம், ஏனெனில் அவை நகலெடுக்க நாங்கள் விரும்பவில்லை. அடுத்த ஆண்டு விதிகளை கடுமையாக்குவோம். ஆனால் மாணவர்களுக்கு கடினமான இருக்காது என்பதை உறுதி செய்கிறோம்.”
என்றும் கூறியுள்ளார். சேர்க்கை நிறுவனம் மற்றும் கல்லூரிகள் பதிவுகளை சரிபார்த்ததால் தான் இந்த முறைகேட்டை தமிழகம் முறியடித்தது என்றும் தெரிவித்திருந்தார்.
