விஜய் தற்போது கைதி பட இயக்குநர் லோகேஷ் கனகராஜ் இயக்கும் தன்னுடைய 64 படத்தில் நடித்து வருகிறார்.இந்த படத்தை சேவியர் பிரிட்டோ நிறுவனம் தயாரித்து வருகிறது.இதில் கதாநாயகியாக மாளவிகா மேனன், நடிக்க வில்லன் கதாபாத்திரத்தில் மக்கள் செல்வன் விஜய் சேதுபதி நடிக்கின்றனர்.
அதுமட்டுமல்லாது இதில் மலையாள நடிகர் ஆண்டனி வர்கீஸ், சாந்தனு , ஸ்ரீமன், சஞ்சீவ், ஸ்ரீநாத் ஆகியோர் நடிக்கின்றனர். தளபதி 64 படத்தின் படப்பிடிப்பு சென்னையில் தொடங்கி விறுவிறுப்பாக நடைபெற்றது. இதனை அடுத்து இன்னும் ஒரு சில நாட்களில் படக்குழுவினர் இந்த படத்தின் இரண்டாம் கட்ட படப்பிடிப்பிற்காக டெல்லி செல்லவுள்ளனர்.
டெல்லியில் ’தளபதி 64’ படத்தின் படப்பிடிப்பு 20 நாட்கள் நடைபெற உள்ளது என படக்குழு சார்பில் அறிவிக்கப்பட்டுள்ளது. அங்கு ஒரு சில ஆக்ஷன் காட்சிகளில் விஜய் நடிக்கவுள்ளதாகவும் செய்திகள் வெளியாகி உள்ளன. இப்படம் வரும் பொங்கலுக்கு வெளியாக உள்ளது. மேலும் இந்த படம் குறித்த கூடுதல் அப்டேட் விரைவில் வெளியிடப்படும் என்று படக்குழு தெரிவித்துள்ளனர்.
மூன்றாவது முறையாக விஜய்- அட்லீ காம்போவில் உருவாகி உள்ள பிகில் படம் வரும் 25ம் தேதி வெளியாக உள்ளது. ஏ.ஜி.எஸ் நிறுவனம் தயாரித்து உள்ள இந்த படத்தில் நயன்தாரா கதாநாயகியாக நடித்து உள்ளார். பெண்கள் கால்பந்து விளையாட்டை மையமாக வைத்து பிகில் படம் உருவாகி உள்ளது. மேலும் பிகில் படம் வெளியாக இன்னும் ஒரு வாரம் மட்டுமே உள்ள நிலையில் ரசிகர்கள் தளபதி தரிசனத்திற்காக காத்துள்ளனர்
