இந்திய அரசு கடந்த புதன்கிழமை அன்று மின்னணு சிகரெட்களுக்குத் (இ–சிகரெட்) தடை விதித்து. இதனை அடுத்து கடந்த வியாழக்கிழமை அன்று உலக சுகாதார அமைப்பு இ–சிகரெட்டைத் தடை செய்ததற்கு இந்தியாவிற்கு வாழ்த்துக்களை தெரிவித்துள்ளது.
இந்தியாவில் புதன்கிழமை அன்று மின்-சிகரெட்டுகளை அரசு அதன் பக்கவிளைவுகள் மற்றும் உடல்நலக் கேடுகளை எடுத்துக்காட்டியதோடு அதை தடை செய்தது. இ-சிகரெட்டுகளுக்கான தடையை அறிவித்த நிதியமைச்சர் நிர்மலா சீதாராமன், இ-சிகரெட்டின் தீங்கு விளைவிக்கும் விளைவுகளை எடுத்துரைக்கும் வீடியோவை வாசித்தார்.
நிர்மலா சீதாராமன் அவர்கள் மின் சிகரெட்டுகளை “ஸ்டைல் ஸ்டேட்மென்ட்” என்று கண்டித்தார். மேலும் நிர்மலா சீதாராமன் அவர்கள் இ–சிகரெட் தடையின் அறிவிப்பில்
“இது எலக்ட்ரானிக் நிகோடின் டெலிவரி சிஸ்டம் அல்லது ஈ.என்.டி.எஸ், மின்-சிகரெட்டுகளின் முறையான தொழில்நுட்ப பெயர். இ-சிகரெட்டுகள் இன்றைய இளைஞர்களுக்கு ஏற்படுத்தும் தாக்கத்தை மனதில் கொண்டு இந்த முடிவு எடுக்கப்படுகிறது.”
கூறியுள்ளார். மேலும்
“இது அமெரிக்க நாட்டிலிருந்து பெற்ற அனுபவம் என்று தகவல் கூறுகிறது. இ-சிகரெட்டுகளை எடுத்துக் கொள்ளும் பள்ளி மாணவர்களிடையே 77.8% வளர்ச்சி இருந்தது மற்றும் அமெரிக்காவில் மின் சிகரெட்டுகளில் 900% வளர்ச்சி உள்ளது.”
இதனைத் தொடர்ந்து வழக்கமான புகைப்பழக்கத்தை விட பாதுகாப்பானது எனக் கூறப்படும் தொழில்நுட்பத்திற்கு எதிராக உலகளாவிய பின்னடைவு ஏற்பட்டதற்கான சமீபத்திய சான்றான மின்னணு சிகரெட்டுகளுக்கு தடை விதித்ததற்காக உலக சுகாதார நிறுவனம் வியாழக்கிழமை இந்தியாவை வாழ்த்தியது.
ஒரு ட்வீட்டில், ஐ.நா. அமைப்பின் தென்கிழக்கு ஆசியா அலுவலகம், வட கொரியா, நேபாளம், இலங்கை, தாய்லாந்து மற்றும் கிழக்கு திமோர் ஆகிய நாடுகளுக்கு அடுத்தபடியாக இ-சிகரெட்டுகளை தடை செய்யும் நாடுகளில் ஆறாவது நாடு இந்தியா என்று கூறியுள்ளது.