விக்ரம் படத்தை தொடர்ந்து ஹிந்தி படத்தில் சிறப்பு தோற்றத்தில் சூர்யா நடிக்க உள்ளதை அவரே தனது ட்விட்டரில் அதிகாரப்பூர்வமாக அறிவித்துள்ளார். நடிகர் சூர்யா நடிப்பில் வெளியாகி பலரின் உள்ளத்தை கவர்ந்த ஒரு படம் என்றால் அதில் “சூரரைப் போற்று” தான். 2020ம் ஆண்டு வெளியான இந்த படத்தை பெண் இயக்குனர் சுதா கொங்காரா இயக்கியிருந்தார். நல்ல தரமான படங்களை எடுக்கும் இயக்குனர்களில் ஒருவராக சுதா கொங்காரா திகழ்கிறார். துரோகி, இறுதிசுற்று, பாவக் கதைகள் படத்தில் வரும் “தங்கம்” போன்றவைகள் இவர் இயக்கிய படமே. சூரரைப் போற்று திரைப்படமும் அது போலவே ஒரு வித்தியாசமான படம். திரையரங்குகளில் வெளியாகும் என்று அனைவரும் எதிர்பார்த்திருந்த நிலையில் அனைவருக்கும் அதிர்ச்சியளிக்கும் வண்ணம் ஓடிடியில் வெளியிட்டார் சூர்யா.
ஓடிடியில் சோதனை முயற்சியாக சூர்யா இதை செய்தார் என்ற விமர்சனங்கள் எழுந்த நிலையில், படம் மக்களின் அமோக வரவேற்பை பெற்றது. இந்த படம் உண்மை சம்பவத்தை தழுவி எடுக்கப்பட்ட படமாகும். ஏர் டெக்கான் விமானத்தின் நிறுவனரான கோபிநாத்தின் வாழ்க்கையை தழுவி எடுக்கப்பட்டது இந்த படம். ஏழைகள் விமானத்தில் செல்ல வேண்டும் என்பதற்காக இராணுவத்தில் பைலட் வேலையை உதறிவிட்டு விமான நிறுவனம் உருவாக்கிய கதை. இந்த படத்தில் சூர்யா கதாபாத்திரமாகவே வாழ்ந்து இருப்பார். இந்த படத்தின் ஹிந்தி ரீமேக்கில் நடிகர் அக்ஷய் குமார் நடிக்க ஒப்பந்தம் ஆகியிருந்தார். ஹிந்தி ரீமேக்கையும் சுதா கொங்காராவே தயாரித்து வருகிறார்.
சமீபத்தில் ஹிந்தி ரீமேக்கில் ஷூட்டிங் ஸ்பாட்டில் எடுத்த புகைப்படம் ஒன்று வைரலானது. அதில் அக்ஷய் குமாரின் தோற்றம் பிதாமகன் விக்ரம் போல உள்ளது. இதை பார்த்த நெட்டிசன்கள் அக்ஷய் குமாரை கலாய்த்து வருகின்றனர். மேலும் சூரரைப் போற்று மாறன் மாதிரி நடிக்கச் சொன்னால் இவர் பிதாமகன் விக்ரம் மாதிரி இருக்கிறார் என்று வச்சி செய்து வருகின்றனர். இந்த ஹிந்தி ரீமேக்கையும் சுதா கொங்காராவே இயக்கி வருகிறார். சூர்யாவின் 2டி நிறுவனம் தயாரித்து வருகிறது. முதல் கட்ட படப்பிடிப்பு மும்பையிலும், இரண்டாவது கட்ட பட பிடிப்பி சென்னையிலும் நடந்து வருகிறது.
இந்த நிலையில் படத்தில் சூர்யா சிறப்பு தோற்றத்தில் நடிக்க உள்ளார் என்று தகவல்கள் வெளியானது. அதை உறுதிப்படுத்தும் விதமாக அக்ஷய் குமாருடன் இருப்பது போன்ற புகைப்படத்தை பகிர்ந்து உள்ளார். சமீபத்தில் வெளியாகி அனைவரையும் திரும்பி பார்க்க வைத்த ஒரு படம் என்றால் அது விக்ரம். இந்த படத்தலும் சிறப்பு தோற்றத்தில் சூர்யா நடித்து இருந்தார். சூர்யாவின் நடிப்பை கமலுக்கு இணையாக அனைவரும் பாராட்டி வருகின்றனர். இந்த நிலையில் ஹிந்தி படத்திலும் என்டரி கொடுக்க உள்ளதால் அவரது ரசிகர்கள் மிகுந்த குஷியில் உள்ளனர்..
.@akshaykumar sir to see you as #VIR was nostalgic! @Sudha_Kongara can see our story beautifully coming alive again #Maara! Enjoyed every minute with team #SooraraiPottru Hindi in a brief cameo! @vikramix pic.twitter.com/ZNQNGQO2Fq
— Suriya Sivakumar (@Suriya_offl) June 15, 2022