திடீரென மருத்துவமனையில் அனுமதிக்கப்பட்ட ஜிபி முத்து மகன்.! அவரே வெளியிட்ட புகைப்படம்.!

பிக்பாஸில் ஒரு போட்டியாளராக கலந்து கொண்ட ஜிபி முத்துவின் மகன் மருத்துவமனையில் அனுமதிக்கப்பட்டிருக்கும் புகைப்படத்தை ஜிபி முத்துவே தனது instagram பக்கத்தில் வெளியிட்டு இருக்கிறார். பிரபல யூட்யூபரான ஜிபி முத்து பிக்பாஸ் நிகழ்ச்சியில் ஒரு போட்டியாளராக கலந்து கொண்டார். இவர் பிக்பாஸில் கலந்து கொள்ள வேண்டும் என்று இவரது ரசிகர்கள் பலரும் இவரை வற்புறுத்தி வந்தனர். டிக் டாக் செயலியின் மூலமாக பிரபலமானவர் உடன்குடியை சேர்ந்த ஜி பி முத்து. டிக் டாக் செயல் முடங்கிய பின்பு இவர் youtube சேனலை தொடங்கி வீடியோக்களை வெளியிட்டு வந்தார். ஒரு கட்டத்தில் இவருக்கு ரசிகர்கள் தொடர்ந்து கடிதங்களை எழுதி வந்தனர். அந்த கடிதங்களை பிரித்து படித்து அவர்களை திட்டி காமெடியாக வீடியோக்களை வெளியிட்டு வந்தார். இதனால் குறுகிய காலத்திலேயே பிரபலமானார்.

குறுகிய காலத்திலேயே இவருக்கு மில்லியன் கணக்கில் பின் தொடர்பவர்கள் கிடைத்தனர். youtube மூலமாக இவருக்கு வருமானமும் பெருகியது. ஒரு காலத்தில் மிகவும் கஷ்டப்பட்டு கொண்டிருந்த ஜிபி முத்துவின் வாழ்க்கை மாறத் தொடங்கியது. பின்னர் படங்களில் நடிக்கும் வாய்ப்பும் இவருக்கு கிடைத்தது. மூன்று படங்களில் நடித்து முடித்திருக்கிறார் ஜி பி முத்து. இந்த நிலையில் அவர் பிக்பாஸ் செல்லும் வாய்ப்பு கிடைத்தது. சீசன் 6ன் முதல் போட்டியாளராக உள்ளே நுழைந்தார். பிக்பாஸ் நிகழ்ச்சியை பார்ப்பதை நிறுத்தி இருந்த பலரும் ஜிபி முத்துகாகவே இந்த நிகழ்ச்சியை பார்க்கத் தொடங்கினர். அவரும் தொடர்ந்து காமெடிகளை செய்து வந்தார். ஆனால் கடைசி ஒரு நான்கைந்து நாட்களாக அவர் வீட்டிற்கு செல்ல வேண்டும் என்று தொடர்ந்து பிக்பாஸிடம் கோரிக்கை வைத்து கதறி அழுது வந்தார். இது அவரது ரசிகர்களுக்கும் சோகத்தை ஏற்படுத்தியது.

ஜிபி முத்துவிற்கு நான்கு பிள்ளைகள். அதில் இரண்டாவதாக இரட்டையர்கள் இருக்கிறார்கள். அதில் விஷ்ணு என்கிற சிறுவனுக்கு அடிக்கடி உடல்நிலை சரியில்லாமல் போகும் என்பதால் அவனைத் தேடுவதாகவும், பணம் புகழ் அனைத்தையும் விடவும் தன் பிள்ளைகள்தான் முக்கியம் என்றும் நேற்று பிக்பாஸை விட்டு வெளியேறி இருந்தார் ஜிபி முத்து. இந்த நிலையில் அவரது மகன் மருத்துவமனையில் இருக்கும் புகைப்படம் ஒன்றை தனது instagram பக்கத்தில் பகிர்ந்து இருக்கிறார். அதில் உடல் முழுவதும் ஒயர்களை போட்டுக்கொண்டு அந்த சிறுவன் அமர்ந்திருப்பது போன்ற நெஞ்சை உலுக்கும் புகைப்படத்தை அவர் பகிர்ந்திருக்கிறார். இதை பார்த்த பலரும் ஜி பி முத்துவிற்கு ஆறுதல் கூறி வருகின்றனர்.

Last Two Weeks I Laughed and Enjoy the Moment Because of you Thalaiva❤️❤️❤️ we always Miss you Thalaiva❣️Eppavum Happy irunga Stay Strong Thalaivare❤️ Get Well Vishnu ❤️ #GPMuthu #GPMuthuArmy #BiggBossTamil6 pic.twitter.com/hLAA6UBfI4

— GP Muthu Army (@drkuttysiva) October 22, 2022