டிரெய்லரின் தொடக்கத்தில் தலைவா என்று கூப்பிடுவது போல மும்பை போலீஸ் கமிஷனர் ஆதித்யா அருணாச்சலம் என்ற பெயரில் ரஜினி மிடுக்கோடு தோற்றமளிக்கிறார்.
ரவுடிகளை சலசலவென நொறுக்கும் காட்சிகள் தொடர்ச்சியாக வருகிறது. போலீஸ் ஆபிசரா சார் அவன் கொலைகாரன் என்ற குரல் கேக்கிறது. நயன்தாராவை காதலிக்கிறார். ‘கேம் ஆட்றாங்களா நம்ம கிட்டயேவா’ போலீஸ்கிட்ட லெப்ட்ல வச்சுக்கோ ரைட்ல வச்சுக்கோ ஸ்டெய்ட்டா வைச்சுக்க வேணாம்னு சொல்லு என்று பஞ்ச் ஒன்றை கொடுக்கிறார் ரஜினி.
அடிக்கடி துப்பாக்கி சூடு, கார்கள் தீப்பிடிக்கும் காட்சிகள் இடம் பெற்றுள்ளன. டிரெய்லர் இறுதியில் என்ன பாக்குற ஒரிஜினல் ஆகவே நான் வில்லம்மா. இது எப்படி இருக்கு என்று பஞ்ச் டயலாக் பேச, ஐ அம் எ பேட் காப் என்ற வசனமும் உள்ளது. அரசியல் வசனம் இல்லை. டிரெய்லரை பார்க்கும்போது முழு அதிரடி படமாக இருக்கும் என்று எதிர்பார்க்கப்படுகிறது.
ரஜினியின் வழக்கமான நக்கல் காமெடியும் உள்ளது. சண்டை காட்சிகளில் ரஜினி ஸ்டைல் தெறிக்கிறது. சுனில் ஷெட்டியை குரூர வில்லனாக காட்டி உள்ளனர். காதல் காட்சிகளில் நயன்தாரா அழகாக உள்ளார். மொத்தத்தில் தர்பார் படம் ரசிகர்களுக்கு நல்ல பொங்கலாக அமையும் என்ற எதிர்பார்ப்பு உள்ளது.