பா.ஜ.கவின் டெல்லி பிரிவின் வலைத்தளம் மீண்டும் ஹேக் செய்யப்பட்டுள்ளதாகவும் அதனை பாகிஸ்தான் ஹேக்கர்கள் தான் செய்துள்ளதாகவும் தகவல்கள் வெளியாகி உள்ளன. அந்த வலைத்தளத்தில் பிரதமர் நரேந்திர மோடி அவர்களுக்கு எதிராக தவறான மொழியில் வெளியிட்டுள்ளதாகவும் கூறப்படுகின்றது.
“_முஹம்மது பிலால் டீம் [பி. சி. இ]” என்னும் ஒரு ஹேக்கர் குழு பா.ஜ.கவின் டெல்லி பிரிவின் வலைத்தளத்தை இந்தியில் எழுதப்பட்ட செய்திகளைக் கொண்டு ‘கேட்ச்.இஃப்.யு.கேன்@ஹாட்மெயில்.காம்’ மின்னஞ்சல் ஐ.டி.யுடன் ஹேக் செய்ததாக கூறினர். அதில் “வீட்டுக்கு வந்த பிறகு இறப்பார்” என்றும் ” என்னால் நிறைய பொய் கூற முடியும். அப்படியென்றால் நானும் அபிநந்தன் போன்று ‘வீர் சக்கரத்தை’ பெற முடியுமா” என்றும் இந்தியில் எழுதப்பட்ட செய்தியாகும்.
மேலும் அந்த ஹேக்கர் “பிப்ரவரி 27 நியாபகம் இருக்கிறதா?” என்று இந்தியில் எழுதப்பட்ட தலைப்புடன் விங் கமாண்டர் அபிநந்தன் அவர்களுடன் சில போலீஸ் பணியாளர்களைக் கொண்ட விசிப்லி-போட்டோஷாப் செய்யப்பட்ட படத்தை வலைத்தளத்தில் வெளியிட்டுள்ளார். பின்பு “திரைப்படங்கள் உருவாக்குங்கள், உங்களால் சண்டை போட முடியாது” என்ற செய்தியையும் வெளியிட்டார்.
இவ்வாறு ஹேக் செய்யப்பட்டுள்ளதால் டெல்லி.பிஜேபி.ஆர்கு வலைத்தளம் தானாகவே அதன் முக்கிய வலைத்தளமான பிஜேபி.ஆர்கு க்குச் செல்கிறது. இதற்கு முன்பு இந்த ஆண்டின் மே மாதத்தில் பா.ஜ.கவின் டெல்லி பிரிவின் வலைத்தளம் இவ்வாறு ஹேக் செய்யப்பட்டுள்ளது என்பது குறிப்பிடத்தக்கது.