80, 90களில் முண்ணனி கதாநாயகியாக வலம் வந்தவர் குஷ்பு. இவர் 1986ம் ஆண்டு வெளியான வருஷம் 16 என்ற படத்தின் மூலம் தமிழ் திரையுலகில் காலடி எடுத்து வைத்தார். 90களில் இளைஞர்களின் கனவு கன்னியாக திகழ்ந்தவர் குஷ்பூ. தமிழ் மட்டுமல்லாமல் மலையாளம், கன்னடம், தெலுங்கு என தென்னிந்திய மொழிகளில் பல படங்களில் நடத்துள்ளார். இவருக்கு இவரது ரசிகர்கள் கோவில் வரை கட்டியுள்ளனர். சென்னையில் இவர் பெயரில் கிடைக்கும் குஷ்பூ இட்லி மிகப் பிரபலம் என்பது நாம் அனைவரும் அறிந்ததே. இவர் 2000ம் ஆண்டு பிரபல இயக்குனநர் சுந்தர். சி அவர்களை காதலித்து திருமணம் செய்து கொண்டார். இவர்களுக்கு அவந்திதா, அனந்திதா என்ற இரு மகள்கள் உண்டு.
இவர்கள் இருவரும் குஷ்பூவைப் போலவே உடல் தோற்றத்தில் இருந்ததால் கடுமையாக உருவக்கேலி செய்யப்பட்டனர். அவ்வாறு கிண்டலடிப்பவர்களுக்கு தகுந்த பதிலடி கொடுத்து வந்தார் குஷ்பூ. தற்போது இவர்கள் இருவரும் உடல் எடையை குறைத்து வேற லெவலில் மாறியுள்ளனர். மகள்கள் உடல் எடையை குறைத்ததை பார்த்த குஷ்பூவும் போட்டி போட்டுக் கொண்டு உடல் எடையை குறைத்துள்ளார். குஷ்பூவின் சமீபத்திய புகைப்படங்களை பார்த்த நெட்டிசன்கள் இது குஷ்பூதானா என்று கேட்கும் அளவிற்கு மாறியுள்ளார். இந்த நிலையில் குஷ்பூவின் மகள் சினிமாவில் அறிமுகமாகவுள்ளார். அவரின் மூத்த மகளான அவந்திகா லண்டனில் உள்ள நடிப்பு பள்ளியில் படித்து வருகிறார்.
இது குறித்து அவர் தெரிவித்துள்ள செய்தியில், என்னுடைய மூத்த மகள் லண்டனில் உள்ள நடிப்பு பள்ளியில் படிப்பை முடித்துள்ளார். அவருடைய உண்மையான கஷ்டம் தற்போதிலிருந்து தொடங்குகிறது. அவளுக்காக நாங்கள் எங்கும் பரிந்துரை செய்ய போவதில்லை. உங்களுடைய ஆசீர்வாதம் அவளுக்கு தேவை என்று பதிவிட்டுள்ளார். உருவக்கேலி செய்தவர்களுக்கு உடல் எடையை குறைத்து தக்க பதிலடி கொடுத்தது மட்டுமில்லாமல் திரைத்துறையிலும் அடி எடுத்து வைக்க உள்ள அவந்திகாவுக்கு குஷ்பூவின் ரசிகர்கள் தங்களது வாழ்த்துகளை தெரிவித்து வருகின்றனர். Twitter Source: Khushbusundar
And BTW my elder one just finished her acting course with flying colors in one of the most prestigious acting school in London. Her struggle starts now as she wants to make it on her own. So no, we won't be launching her or recommending her anywhere. She needs your blessings 🙏🙏
— KhushbuSundar (@khushsundar) May 27, 2022