விஜய் டிவி சூப்பர் சிங்கரில் கலந்து கொண்டு பிரபலமான அஜய் கிருஷ்ணா புது வீடு கட்டி கிரஹப்பிரவேசம் செய்துள்ளார். அந்த புகைப்படங்கள் மற்றும் வீடியோவை அவர் தனது சமூக வலைதளப் பக்கத்தில் பகிர்ந்திருக்கிறார்.
எளிய பின்னணியில் இருந்து வரும் பலருக்கும் விஜய் டிவி அங்கீகாரத்தை கொடுத்து வருகிறது. நடன நிகழ்ச்சிகள், இசை நிகழ்ச்சிகள், பிக் பாஸ் போன்ற ரியாலிட்டி ஷோக்களில் பங்கெடுப்பவர்கள் பின்னர் வெள்ளித் திரையில் நட்சத்திரங்களாகவும் ஜொலித்து வருகின்றனர்.
அந்த வகையில் புகழை அடைந்துள்ள ஒருவர்தான் அஜய் கிருஷ்ணா. இவர் இரண்டு சீசனுக்கு முன்பு சூப்பர் சிங்கரில் கலந்து கொண்டார். அனைவரும் பேசுவதில் தான் மிமிக்ரி செய்ய முடியும்.
ஆனால் பாடுவதையே மிமிக்ரி செய்ததன் மூலமாக மக்கள் மனங்களில் இடம் பிடித்தவர் அஜய் கிருஷ்ணா. உதித் நாராயணன் போலவே பல பாடல்களை பாடி மிமிக்ரி செய்து இருக்கிறார்.
அவருக்கு ஜெஸ்ஸி என்பவருடன் கடந்த வருடம் திருமணம் நடைபெற்றது. திருமணம் முடிந்து அவர்களுக்கு ஆண் குழந்தையும் பிறந்திருக்கிறது. தனது மகனுக்கு ‘அயான்’ என்று பெயர் வைத்திருப்பதாக சமீபத்தில் அறிவித்திருந்தார்.
இந்த நிலையில் அவர் ஜெஸ்ஸி – அஜய் கிருஷ்ணா தம்பதிகள் புதிய வீடு ஒன்றை கட்டி கிரஹ பிரவேசம் நடத்தி இருக்கின்றனர். அந்த புகைப்படங்கள் மற்றும் வீடியோக்கள் இணையத்தில் வைரலாகி வருகிறது.
View this post on Instagram